又係 Liz Lisa 返貨日!!! 當然要睇新返啦~ 今次超多新貨!!! 每件數量都好多~ 可能準備 Thankful?? 唔知 lu~ 不過最驚訝係連續兩星期都返 ACCESSOREIS!!!!!! 仲要係日本 blog 最新嘅添!!! 睇中嘅衫都有架~ 但數量咁多, 我諗留到 Thankful 都得~ 仲可以 save $$ 添!!! 雖然上身衫返最多但都有兩條 OP 呢~
呢條唔錯!!! 粉紅靚~ 但個膊位太透喇~ 要再三考慮吓至下決定~
碎花布有出上身衫架~ 不過已經係前兩次返 lu~ 我覺得雪紡 top 靚啲呢~ 希望 Thankful 仲有佢 (地) 啦~
長袖線 OP 都 OK, 送埋打底~ 正!!!~ 屋企必有之恩物~ 細個時媽咪成日織~ 而家都仲著到~ 所以 not for me lu~
到上身衫~ 碎花 x 皮革終於返喇!!! 好靚!!! 但皮革又好以冇咁靚呢... 初頭睇中白, 最後都係睇中白呢~ 可惜 zip 到一平 zip 唔上... 唉...
到淨色小透視上身衫!!! 非常百搭!!! 白色都係我考慮之一!!! 如果有藍仲好呢~ 因係買唔到 OP, 有件上身衫都好呀~ 點知佢唔出...
哈哈!!! 呢件係 heat 款上身衫!!! 超百搭!!! 今次紅太深喇... 杏色又太似膚色... 另獨白最靚~
可惜買咗返黎至知領位紗邊有啲吉呢... 可能個紗太硬啩~
閃片上身衫今季都好 heat~ 作用同網網上身衫一樣可以套落唔同嘅 OP 同半截~ 可惜我唔係閃片人呢~
又一閃片網網上身衫~ Catalogue 著起好靚呀!!! 但我著唔到好似佢個袖咁長... 我膊頭橫啩~
另一件 lace 膊之前已經留意~ 但睇返上年冬季我有件差唔多樣嘅長袖~ 不過冇呢件咁長~ 加上我又唔係好高... 可能著短啲會顯腳長啲~
呢件質地超軟棉棉~ 好舒服架~ 加上三色都好襯, 難怪日本都秒殺呢~
再一件軟棉棉長袖冷織上身衫~ 袖口各有一個絲絨蝴蝶結~ 日本 blog sales 自己拆落黎改髮夾都得呀!!! 要拆線就要小心剪斷件冷衫呀~ 因為一斷咗就永遠整唔返架喇~
長袖有領上身衫仲有呢件~ 衫領同衫身係兩隻色~ 好 like~ 但胸前車邊就唔啱我喇~ 不過襯新返嘅皮裙好正架!!!!!!
Lace 打底都有返呀!!! 有 padding!!! 啱哂小透視上身衫!!!
上身衫就係咁多, 至於外套都有返~ 首先係 catalogue 款嘅針織有袋外套!!! Catalogue 嘅杏色令我心思思~ 厚料超好品質!!! 又係衣
櫃必有 item 之一!!! 但我就係冇呢~ 外套希望等到 Thankful 啦~
再一件軟棉棉質地嘅外套~ V 型領口襯也都得!!! 又一衣
櫃思物~
呢件同上面嗰件係唔同架!!! 呢件同樣係 V 型領口, 但冇上面嗰件咁軟棉棉~ 質地比較薄身~ 橫簡織紋~ 唔知你鐘唔鐘意呢~
貼身棉羊毛厚質 zip-up 長袖有帽外套, 袋位係方型紋~ 感覺好暖呢~
外套除咗針織同厚料外, 仲有皮革外套!!!! 萬眾期待嘅皮革終於登場喇!!! 我上年已經喺法國 M**an 買咗件好扺嘅紅色真皮外套~ 加上 cutting 好似上年春季嗰件... 所以呢件 pass~
皮革半截裙都返理喇!!! 等呢條等到頸都長喇!!! 想要紅色~ 但想襯多啲衫就一定係啡~ 最諷刺係米色實物最靚!!! 難怪翼都嘅著米色行 show 啦~ 但之前喺 ro*ebu**et 見到條黑色皮革半截裙!!! 質地軟過 Liz Lisa 好多~ 多 $1** 就有條軟身啲嘅皮革半截裙, 當然係 ro*ebu**et 比較優勝~ 今季太多牌子出皮革半截裙~ 所以行多幾間考慮吓都 ok 架~
最後繼上次日本 set 裝拆售嘅半截裙褲今日真係有返呀!!! 實物杏色靚!!! Cutting 都好似上年秋季 catalogue 結以紅色高腰裙褲~ 所以都可以唔使考慮 lu~
到大家久違嘅 accessories!!!!!! 睇咗頸鏈先啦~ 有珍珠同 wall 釘蝴蝶結~ 珍珠都有兩條呢~ 第一條係珍珠 x chain x 玫瑰花~ 我唔太
鐘意珍珠 x chain... 珍珠同 chain 係分開兩條嘅~ 如果淨珍珠 x 玫瑰花一定買!!! 無為 $4** 買返黎又再後天加工啦~
detail~
第二條珍珠鍊係有金色紗面圓珠~ 日本應該又係好 heat~ 有白同粉紅兩色~ 而呢條鍊係今次返嘅 accessories 入面數量最小呢~ (有官圖會再 UPDATE~)
最後係 wall 釘蝴蝶結~ 紅色有好多條呢~ 個皮革冇咁硬身我就會買架喇... 加上比較輕身呢~
仲有蝴蝶結閃石~ 太 a*s 款 lu~ 呢個數量唔多~ 所以又一好快品切款式~
到頭飾!!! 髮夾主要係蝴蝶結為主~ 皮革 x 閃石幾靚~ 但款式普通咗啲~
另一個蝴蝶結髮夾係超閃
閃
粉 x 閃石!!! 超爆
閃 
!!! 閃到唔太知佢係蝴蝶結... 粉紅色好啲~ 金色就真係太浮誇喇... 點知金色係店限色呢~
同系列嘅閃
粉 x 閃石頭箍就比較似我以前細個嗰啲演戲
道具... 唔值 $2**......
至於最後就係呢個絲帶 x 金 chain
頭箍~ 好貴族名媛 feel~ (我當然唔係啦!!!!! 我認就笑死人喇~ 因為我最怕人話自己靚, 似
貴族... 仲有 "我老公話我好靚" 之類嘅作
嘔公主句子唔該行埋一邊!!! 因為靚係無需講出口嘅~) 唉... 呢個
頭箍有杏色同粉紅色~ 杏色上頭比較成熟, 粉紅少女啲~ 本來想要杏色~ 但呢個款好鐘意呀!!!
所以最後揀咗兩色呢~
但最想要嘅綠格英倫頸巾都仲未返...
希望返到啦~
Special:尋日出咗旺角 Ju** in O*e 買咗啲頭飾同手鍊~ 見到實物髮圈好靚!!! 呢種髮圈我小啲, 所以又忍唔住買咗紅色!!! 無錯!!! 秋冬都係要用紅色!!! 之後手鍊都好好襯!!! 兩個粉紅飾物都係四季款~ 至於紅色絲絨珍珠髮夾就係秋冬款式!!! 仲有杏色同啡色~ 啡色都好靚呀!!! 糾結咗好耐要紅定杏色, 最後要咗我最小嘅紅色髮夾!!! 因為杏色我實左太太太多 lu~ 紫杏色花花髮夾同上次粉紅 x 白花花髮夾一樣都係大牙夾~ 紫杏色可以襯多啲秋冬衫~ 咱啱又仲有所以又忍唔住買埋喇!!!
返到屋企發現呢個月買咗嘅粉紅系飾物可以襯埋一套架!!!
勉強啦~
仲同阿妹喺九龍灣德福廣場 Lowry Farm 同 九龍灣 Mega Box H&M 買咗衫同帽添~ 又大豐收 = 大出血喇......
Lowry Farm 呢件菱形格仔外套仲有其他顏色~ 但我都係鐘意紅色!!! 睇中好耐都冇買今日終於忍唔住喇!!!
行完九龍灣德福廣場之後搭免費穿梭巴士到九龍灣 Mega Box~ 因唔係放工時候所以冇乜人~ 行得好舒服呀!!! 未試過中午時候 H&M 係冇人架!!! 仲要大到喊!!! 正!!! 冇壓力同時間限制下試咗 N 件衫~ 最後竟然買咗兩頂帽~
黑色坤士帽蝴蝶結上有金扣~ 比平時冇金扣特別啲~
第二頂係珍珠畫家帽~ 又係畫家帽... 無計~ 我對畫家帽情有獨鍾~ 呢隻色好易襯架~
同一套 top, 有唔同嘅演譯~ Royal Mode, British Mode 同Girly Rock 都有呢~
Co-orinate 1 外套: 菱形格仔外套 (Lowry Farm), 釘珠領前短條長上身衫 (Liz Lsa), 杏色高腰褲 (Mastina), 綠色畫家帽 (Liz Lisa), 3 in 1 珍珠頸鍊 (Liz Lisa), 紅鞋 (Liz Lisa)
Co-orinate 2 帽 + 外套: 菱形格仔外套 (Lowry Farm), 釘珠領前短條長上身衫 (Liz Lsa), 杏色高腰褲 (Mastina), 白色珍珠畫家帽 (H&M), 3 in 1 珍珠頸鍊 (Liz Lisa), 紅鞋 (Liz Lisa)
Co-orinate 3 帽 + 外套: 菱形格仔外套 (Lowry Farm), 釘珠領前短條長上身衫 (Liz Lsa), 黑色牛仔褲 (bossini), 黑色坤士帽 (H&M), 3 in 1 珍珠頸鍊 (Liz Lisa), 黑 x 金 x 閃石高跟鞋 (Walker Shop)
唔知你又鐘意邊套呢~
