MayMay ♡ Liz Lisa: Liz Lisa 秋季第五回!!! 海量新貨同 accessoreis!!! 芭蕾舞鞋花柄系列返咗喇!!! 仲有音符花柄連身裙同 set up!!! Liz Lisa x My Melody 第5弾未公開商品 (草莓花柄)!!!!!! News on gift delay!!! New Special Tabloid and Newspaper!!! Up-coming gift in JP / item!!! Special: F.i.n.t 星星月亮頸鏈!!!

UPDATE with Thurs (11/09/2014) new arrival (9:18pm)

中秋節假期期間除咗使月餅同聚餐外, 不忘加緊運動消除多餘嘅熱量啊!!! 今日食午飯休閒地行過 Liz Lisa~ 芭蕾舞鞋花柄系列終於返咗喇!!! 原來中秋節假期前 (星期一) 已經返咗喇~ 今年鍾情連身裙~ 紅色唔係酒紅又唔係大紅, 底色係米色唔係白色~ 上身意外地靚~ 粉紅相好淺色但實物較深~ 雖然 cutting 返炒, 今次胸位較鬆, 腰位較窄~ 重點係圖案係芭蕾舞鞋!!! 雖然而家無跳~ 但都相擁有呢~

(下圖左紅右粉)

芭蕾舞鞋花柄長袖雪紡袖裙衣 set up 都一併返齊!!! 個人鐘意呢個裙衣 cutting~ 同連身裙唔同, 裙衣腰位較鬆, 胸位較窄~ 膊頭位都遍窄~ 半截裙褲腰間有兩個綁蝴蝶結位~ 高腰設計收肚腩呢~ 一套著雖然只得小部份裙褲列露~ 但較統一呢~

結以示範嘅網紗 set up 終於返喇!!! 紅色最 sharp!!! 粉紅都靚~ Size 遍細, 數量好小呢~ 呢件假兩件上身衫設計大擔!!! 領位繡字~ 直條絲絨帶加波浪剪裁~ 絕對係近期最特別嘅設計~ 大透視超誘呢~ 半截裙褲都似經典 cutting 示人~ 前面腰位有波浪剪裁, 襯返上身衫呢~

淨色 set up 就返左透視 lace 厚質 (冷織) 圓領款~ 質地富彈性~ 胸前兩傍有細個綁蝴蝶位~ 下罷層層絲帶 x 透視紗~ 心形網 lace 未出過~ 白色好似會顯肥呢... 至於同款高腰褲係好 plain 嘅白搭款式~ 襯任何長身衫或裙花都 match!!! 重點係腰前有個蝴蝶結呢~

淨色斯文款 set up 都深感興趣~ 啡色好有入秋嘅感覺~ 上身衫係直紋彈性質地, 領口位有綁蝴蝶結同有繡字~ 單襯半截或內搭都 ok~ 半截裙裙腳同上身衫領位都有繡字~ "the ace of heart" 預言遲啲出嘅撲克牌花柄!? 半截裙除咗裙腳有繡字外, 腰旁蝴蝶結都係重點呢~

Model 襯嘅呢套 lace 上身衫同紗裙好, 結以同 Risato 都有示範半截森林系紗裙呢~ 圓領 ruffle 邊長袖小‧透視全 lace 上身衫好 lady 呀~ 今次嘅粉紅色係 baby pink, 唔係 dirty pink~ 粗心大意嘅我應該好易勾倒啲 lace 呢~ 結以示範嘅半截森林系紗裙重點係裙後嘅蝴蝶結~ 裙擺有絲絨絲帶邊~ 白色嗰條白色絲絨絲帶冇粉紅色嗰條咁明顯呢~

Tina 示範嘅千鳥格 set up 好有 classic 復古嘅感覺~ 上身係吊帶波浪 lace 邊, 胸前交叉綁帶罩衫~ 好似 Tina 示範咁短身上身襯同款高叉高腰裙都 ok, 但我覺得有啲花過頭呢...

千鳥格仔除咗有 Tina 示範嘅 set up 仲有條圓領背心款冇袖連身裙~ 鎖骨位係亮點~ 有五個透視心形網紗~ Details 位係裙腳有繡花字樣同背後有絲絨絲帶綁蝴蝶結呢~

除淨色連身裙系列外仲有一條花柄圖案連身裙~ 圖案有啲似上年小白雲圖案~ 呢條設計上可一字膊著或蓋肩著, 膊頭較橫就只可一字膊著 lu~ 深藍色較顯瘦~ 白/米色好淑女 feel 呢~ 實物粉紅崶我黎講有啲深呢~

同款仲有岀花柄圖案高腰裙褲~ 連身裙偏愛白色同深藍色~ Cutting 都係經典設計~ 雖然我覺得呢個 pattern 白色同深藍色最靚~ 呢條有的想嘗試粉紅色襯復古上身衫~

同物料出兩款都返咗唔小~ 呢條心形 lace 欺文款綁蝴蝶結小透視連身裙仲有岀同款長半截~ 有紫灰, 深粉紅同藍綠三色~ 藍綠色最特別~ 領位除紫灰外其他都係白色底布, 同樣都有繡字~ 上班必備款式之一~

長身半截心形 lace 紗裙都係結以示範呢~ 內層布較短, 外層就係長身心形 lace 紗, 超百搭淨色款式~ 呢種長度我唔係好 carry 倒... 白色最易襯~ 藍綠色最特別~ 粉紅色都係遍深色呢~

同布料仲有千鳥格 x 花柄連身褲同高腰半截~ 呢條係首次千鳥格 x 花柄款式~ Cutting 同秋季頭返 Chiharu 示範嘅款式差唔多~ 有藍灰同深啡二色~

cutting similar to:

千鳥格 x 花柄高腰半截裙褲腰旁兩側各有一個綁帶蝴蝶結~ 內層褲邊都係同嗰花布呢~ 二色入面藍灰色較 fresh, 啡色有點校園風~ 我麻麻連身褲, 唔知你啱邊款呢~

一字膊大領長棉質彈性袖蝴蝶結 lace 連身裙都有返~ 深藍色仔似冇啡色咁 grand~ 雖然係簡單 cutting~ 但可能係錯覺... 我覺得呢條啡色好有公主風呢~

連身裙仲有淨色系列~ 期待已久嘅音符絲絨印花 ruffle 袖 "creamy" 字樣連身裙終於返喇~ 可惜質地同上易勾嘅網紗~ 日常嘅簡單清雅款式~ 襯牛仔褸同音符厚底鞋最好不過~ 白同粉紅係比較難決擇嘅顏色呢~

半載裙都有~ 格仔大蝴蝶結高腰半載裙, 紅色外層係白色網紗, 內層係格仔布~ 深藍色外層係白色網紗呢~ 呢兩個顏色有啲 Tralala 嘅影子~ 個人覺得除咗淨色上身衫襯外就諗唔倒靚咩呢...

淨色半截紗裙今個星期都返咗唔小~ 但仲有一條非常誘張!!! 有三色~ 雙層硬網紗, 加上棉質底布更加傘~ 單著較啱 Lollita fans~ 做裙撐都幾好架~

最後係 Tina 示範嘅大花碎花圖案高腰褲~ 之前有返 Chiharu 同玲奈都有示範嘅高腰長半截裙~ 大花碎花圖案係開季主要圖案之一~ 唔知呢條啱唔啱你呢~

最後仲有一件假兩件格仔短身上身衫~ 襯任何高腰半截都 no problem~ 外層格仔布, 吊帶款, 胸前有交叉綁帶; 內層軟身網布, 可一字膊著~ 三色都好時尚呢~

Accessories 返咗好多款呢~

同假兩件格仔短身上身衫同布料嘅蝴蝶結繡字頭帶都一併返埋~ 同件上身衫一齊穿 / 戴會唔會太 over 呢~

一套四隻細牙仔夾 size 真係好細小~ 大紅色係特別色~ 單戴又得, 四隻一齊戴都得~ 有啲似細個個陣小學生必有嘅頭飾~

四款兔毛系列飾品都有喇~ 有三款係白, 粉紅同紅三色, 另一款係白同藍色~ 但兔毛球襪就未返~ 兔毛系列飾品色括有網紗帶 choker... (continue below~)

一套兩隻兔毛球 x 網紗絲帶蝴蝶結細牙仔夾~ Risato 有示範雙馬尾嘅戴法~

同一套兩隻細牙仔夾同款嘅兔毛單球 x 網紗絲帶蝴蝶結介指

Detail:

另一款係兔毛球 x 音符耳環~ 音符配件吊落黎會更明顯呢~

芭蕾舞鞋 x 閃石蝴蝶結雙頸鏈正好襯返今次返嘅芭蕾舞鞋花柄連身裙同半截 set up~ 細緻度好似冇以往的好呢~

頸鏈仲有單鏈嘅珍珠 x 花 x 閃石款~ 似以前嘅 a*s 同 Muk* 款~ 白色嗰係都係白色而粉紅係有白花同粉紅色閃石呢~

女皇頭頸鏈都係我期待已久嘅 item 之一~ 實物顏色有啲深~ 要再三考慮再作決定~

Detail:

最最最後係 Tina 示範嘅 Twinkle 閃石光面高踭鞋款~ 鞋踭有通花設計~ 閃石排列特別~ 成對都好有姐姐風~ 米色最靚!!! 其次就係粉紅同特別嘅藍綠色~

Accessories 最近冇咩睇中, 但睇中日本預告嘅花柄款~ 今次芭蕾舞鞋花柄連身裙後繼續期待黎緊嘅花柄款式!!!

Details:

繼續期待 item:

1. 鑰匙花柄半截裙, 連身裙!!! (WT.PK.BR)

2. Liz Lisa x My Melody 第五彈草莓花柄連身裙!!!??? (至愛草莓MUST GET!!!)

Liz Lisa x My Melody 第五彈未公開商品

下圖來自微博 weibo

kumiii粉色控

9月10日 18:42

LIZLISA×My Melody合作第5弾的melody酱，图2是未公开的melody商品 [得意地笑]

草莓melody

3. 撲克牌花柄連身裙

9.13 Sat~ 2014 Autumn Collection Special Tabloid No. 2

9.13 Sat~ Liz Lisa 15th Anniversary News Paper

Up-coming gift in JP:

9/13 (sat)~ START

ノベルティをご紹介

【LIZ×YUIクロック】

店内商品税込み¥20000以上

お買い上げで

結以親筆簽名

【BIG Keyクッション】

店内商品税込み¥15000以上

お買い上げで

Up-coming item:

White

Pink

Special:

之前我買頭箍嗰時店員話會有, 但當晚上網睇返原來 online shop 有頭箍, 但頸鏈已品切... 中秋節 F.i.n.t 星星月亮頸鏈竟然意外地到手!!!!!! 表哥真係揾到同我頭箍同款嘅 F.i.n.t 星星月亮頸鏈!!! 超開心!!! 今日放工再問店員原來我買頭箍嗰時星星月亮頸鏈已經火速品切!!! 真係唔知咁搶手~ 實物真係唔錯架~