Liz Lisa 2015 春季第一回!!! 冰雪奇缘 Anna & Elsa 花柄系列近咗喇!!! 仲有一款 Twinkle 袋呢~ JP 2015-01-10 in store!!

冰雪奇緣花柄系列為春季打頭陣!!! 連身裙白色同粉紅色都好靚~ 深藍色圖案最出!!! 白色同粉紅色實物圖案冇咁清呢~ 長袖雪紡好飄逸呀~ 三色入都 ok 架!!! 

冰雪奇緣花柄同柄半截裙褲都好想要深藍色!!! 大蝴蝶設計雖然係舊設計~ 但花布太吸引喇!!! 本來想要埋深藍色半截裙褲~ 但係仔細睇只見 Elsa, Anna 只岀現喺裙褲頭~ 所揀連身裙好啲~

Details:

初春多數都有雪紡~ 呢條橡根頭蝴蝶結綁帶長袖雪紡花柄連身裙都唔錯架~ 有白色, 粉紅色同深藍色~ Style 有的似 2011 春季結以同 Lena 示範過嘅款式~ 呢條可以一字膊著呢~

Details:

雪紡花柄都有出裙褲~ 腰前有交叉綁帶~ 半截反而欣賞深藍色~ 顏色好特別, 花係淺黃色架~ 雖然 cutting 都係舊款設計~ 但今季想試深色系呢~

Details:

連身裙都仲有小透視毛毛料 lace 淨色款~ 呢條粉紅色最靚最 sweet~ 有小小露膊架~ 露膊尺度可用蝴蝶結調整~ 算係有小小心思啦~

Details:

另一係淨色毛毛料連身裙都係 casual 款式~ 邊位用咗另一隻色嘅 lace 邊令一件簡單嘅連身裙作點綴~ 呢條我都係鐘意粉紅色呢~

Details:

Set up 方面就有棉棉花粒棉質網紗款式~ 下身係好簡單嘅短褲, 重點係褲袋邊各有字粒棉棉花粒~ 主要襯返裙衣嘅棉棉花粒邊~ 一套著都唔錯架~

Details:

上身衫仲有一字膊立體花釘珠長袖襯衫~ 簡單得黎好 lady~ 呢件好似係 "田村" 特別款!? 唔太清楚~ 要再考究考究~

Details:

上身診所襯嘅就係呢條格仔半截~ 之前岀過中長款式~ 而家呢條裙腳有 lace 絲帶邊~ 長度都啱心水~ 呢件好 plain~ 可以唔急~ 睇多其他牌子再算啦~

Details:

上身衫或外套兩用嘅 lace 扭扣釘織長袖款係日本未見嘅款式之一~ 日本寒喺 10-01-2015 入荷~ 有白色, 粉紅色同淺藍色~ Model 襯遲啲返嘅巴黎花柄半截~ 但感覺領位好細... 反而未返嘅巴黎花柄連身裙係鎖定嘅 item 呢!!! 

Details:

今次返嘅長身外套都好特別~ 五粒扭扣都同樣架~ 第一粒主扭扣有珍珠同閃石~ 粗汵上身好舒服~ 前幅有兩個袋好好用架~ 可惜 cutting 好顯下身... 否則白色, 粉紅色同灰藍色都唔錯架~

Details:

最後就係 Twinkle Lace 通花袋款~ 內有肩帶可有 3 種用法~ 但手提位有啲怪... 始終係 3-way~ 幾種用法都好好拎架~ 粉色較 sweet 而啡色會比較易襯衫呢~

Details:

*註: 圖片主要為北海道札幌 Liz Lisa Paseo 店拍攝 

JP 2015-01-10 in store