MayMay ♡ Liz Lisa: Liz Lisa 2015 夏季第九回!!! Sogo Thankful 期間超級限量鋼琴柄, 太陽花花柄同貝殼連身裙終於返咗喇!!!!!! HK 有天藍色但無海軍藍!!! 仲有一款 accessory~ 記錄一下未見嘅 accessories 同衫......

2015-05-18 new arrival!!!

Update with Thurs 2015-05-21 new arrival!!!

今個星期返咗萬眾期待嘅鋼琴柄同太陽花花柄系列!!! 鋼琴柄超級限量呢~ 後悔冇買粉紅色連身裙今日終於如願~ 可惜無海軍藍... 雖然香港有天藍色連身同半截裙~ 但都係冇天藍色上身衫~ Shop 都係襯返 Melody 白色上身衫呢~ 呢條旺角門口 show 白色連身裙同掛咗半截裙~ 全色都有~ 只欠粉紅色連身裙... 所以去咗銅 So 八折入手!!! 銅 So 星期五仲有兩條呢~

Details:

HK 有天藍色!!! 鋼琴柄沒有海軍藍...... OP HKD 820

Photo taken from 新宿 ALTA JP shop:

鋼琴柄半截都好搶手~ Tokyo online shop 粉紅色半截已品切多時... 同時都係半截最靚嘅顏色~ 背帶可以拆落黎襯罩衫架~ 喺日本 in shop 後第二日都要揾幾間... 好在喺新宿見倒最後一條新呢~

Details:

Photo taken from 新宿 ALTA JP shop:

Photo taken from 涉谷 109 shop:

太陽 (菊) 花花柄一字膊連身裙日本 heat 到要再入荷! 所以遲遲都返唔到貨~ 今日終於見倒喇~ 想入埋藍色但心芯太出反而麻麻~ 粉紅又撞唔起個花色~ 都係白色最靚~ 以前都有出呢個圖案~ 2011 Summer 結以示範吊帶款式後悔冇買... 今年呢條一字膊較難定位呢~

Details:

2011 Summer

太陽 (菊) 花花柄 set up 都同期一併返齊~ 水手領又棃喇~ 短身上身衫同高腰半截裙一套著好靚~ 一套著最靚係藍色~ 水手領邊都係藍色~ 比其他二色更出~ 水手領上仲有兩顆太陽 (菊) 花呢~上身衫件可以襯白色紗裙架~

Details:

結以示範嘅貝殼吊帶 x 一字膊連身網紗裙都好受歡迎~ 網紗裙擺好似有的透呢... 結以圖中示範嘅飾物都喺前幾星期返咗~ 可以襯埋一套喇~ 上身位扭扣係海星形~ 襯哂今季黎緊最 heat 嘅美人魚風~ 牛仔布同網紗都係現時最 heat 嘅 trend 呢~ 呢條我反而覺得粉紅色好睇啲~ 可惜白色已有好多 fans 入手呢~

今季另一套質地特好嘅 set up 就係結以示範嘅心形水手領套裝~ 半截內層係棉質~ 外層有兩層網紗~ 暫知沙田上身同下身都齊色~ 銅 So 同旺角都只見粉紅上身同白色半截裙~ 重點係棉質布上嘅心形通孔繡花~ 加上胸前兔耳結好可愛呀!

Details:

另一套嘅結以示範係淨色立體 lace 花 set up~ 上身衫清~ 只係背心 ruffle 袖同圓領, 直紋彈性棉質料~ 反而水玉立體網紗嘅長半截裙仲有睇頭呢~ 暫時未見有海軍藍色水玉歌呢~

LL Gal's 最新推出嘅背帶裙套裝都返咗喇!!! 小透視上身衫好想要白色!!! 棉質內層而外層係網紗~ 短袖同頭上都有立體 lace 花~ 雖然質地較薄~ 但好啱夏天做背帶裙內搭~ LL Gal's 岀嘅背帶裙係以淺藍同海軍藍嘅牛仔布料設計~ 裙擺位有上身衫領上嘅立體 lace 花襯埋一套呢~

Details:

淨色 set up 都有薄身棉質點點繡花款~ 上身衫係背心設計~ 領位有紫蘿蘭繡花同有個可以拆嘅蝴蝶結~ 半截裙裙擺上有波浪形邊同格仔小透視網布~ 小透視網布襯返上身衫後幅位置呢~ 如果呢條半截裙裙擺截係波浪形的話會好太多了~

Details:

單品仲有呢件字樣小蝙蝠袖棉質 x 網紗上身衫~ 字樣係 "DRAMATIC ONETIME OF METEOR"~ 小蝙蝠袖係特別嘅設計~ 暫時未見過 Liz Lisa 有出過呢~ 可以遮手臂外仲可以唔使咁熱~ 粉紅會比白色冇咁似韓風架~ 旺角好似未見有呢件... 呢件係喺銅 So 見倒呢~

Details:

喺銅 So 仲見倒有條半截裙~ 外層係滑身網紗~ 內層係淨白色同海軍藍白簡條棉布~ 腰間後幅有個大蝴蝶結~ 襯埋上面嗰件小蝙輻袖上身衫唔錯架~

半截就繼續有海洋系列~ Risato 示範嘅貝殼圖案牛仔短裙好啱今季海洋主題~ 有淨白色, 淺藍色同海軍藍色~ 只有淨白色係冇圖案外淺藍色同海軍藍色都有架~ 如果白色有淺藍色圖案會更好~ 腰旁兩則仲釘上貝殼 lace 同蝴蝶結~ 呢條嘅海軍藍色係 target 呢~

Details:

海洋系列除咗有 Risato 示範嘅貝殼圖案牛仔半截短裙外, 仲有高腰長褲~ 同樣有淨白色, 淺藍色同海軍藍色~ 只有淨白色係冇圖案~ 腰旁兩則都各仲釘上兩個貝殼 lace 同蝴蝶結~ 褲腰都有呢~ 呢條嘅淺藍色會好睇過白同海軍藍色~ 但海軍藍色有修腿效果呢~

小透視 x 棉質心形通孔有帽外套都係喺銅 So 見倒而旺角都未見有~ 透視中袖上釘滿蝴蝶結~ 胸前兩個心形小透視網紗通孔超可愛呀~ 雖然有白同灰色~ 如果有粉紅色會更好~

Details:

夏天當然唔小得牛仔褸啦~ Risato 示範嘅 lace 短袖牛仔褸終於比以往可愛喇~ 除咗背後有波浪邊同蝴蝶結外, 領上都有 lace 邊呢~ Lace 邊仲可以拆岀黎架!!! 有淨白色, 淺藍色同海軍藍色~ 想要淺藍色~ 但不如改一改屋企現有嘅短袖牛仔褸~ 喺領上加 lace 邊就可以有一件新款嘅短袖牛仔褸喇~

Accessory 就返得呢個太陽 (菊) 花蝴蝶結細髮夾~ 顏色咁啱襯到今期返嘅太陽花花柄系列~ 我有興趣自做~ 手工當然冇出廠咁靚~ 希望不日有時間再整啦~

Details:

UPDATE: 2015-05-21

Liz Lisa HK Facebook

(ㅅ•᎑•)♡*.+゜大家期待已久既一田購物優惠日又黎啦(21/5~25/5)LIZLISA準備了多款精選優惠貨品~(上衣$290,連身裙$490)^^及多款獨家貨品低至三折發售，優惠貨品太多不能盡錄，詳情歡迎到沙田一田二樓LIZLISA專門店查詢選購，(還有獨家限量自拍捧贈品)*_*未換到既朋友快D黎沙田一田LIZLISA專門店啦,多謝支持(^_~)