Liz Lisa 秋季第四回!!! 返咗好多 Catalogue 嘅靚衫!!! 有五款 Twinkle 袋 女皇頭 同 花花 accessories 都有喇!!!

今日返咗好多 Catalogue 嘅靚衫!!! 仲有好多期待已久嘅 accessories!!! 包括女皇頭 同 花花飾物!!! 官網仲有新 catalogue 圖呢~  結以又再一以同 Liz Lisa 做示範喇~ Catalogue 都登陸香港四間分店喇!!! 今日仲返咗好多有折嘅過季衫呢~  (所有優惠資訊及期限,以專門店為準)

道先結以做示範嘅蝴蝶結釘珠短袖襯衫返咗喇~ 有白, 粉同紅~ 唔知點解 Liz Lisa 今季嘅紅色唔係酒紅... 有幾件都偏啡... 呢件結以示範嘅紅色上身衫都好沈呢~

 

 

 

又係結以示範, Lace 長袖透視樽領上身衫超百搭~ 白色喺 catalogue 出現過幾次呢~ 紅色都依然係好沈呢~

 

 

V 形 lace 樽領背心上身衫都幾特別~  紅色嗰件好似古堡入面嘅 suit of armour 咁~ 加上係背心款唔著得耐呢~

 

 

 

Ruffle lace 背心恤衫, 又一超百塔款之一~ 背後小透視係成件嘅亮點, 雖然全 lace~ 但我個人唔太鐘意 ruffle 背心款呢~

 

 

 

字樣 (網!?) 短袖上身衫, 有點兒 hea...... 

 

 

短身橡根頭細格仔唔係個個著到... 膊頭細者會比較好睇~ 襯紅色淨色半截或白色半截都 ok~

 

 

長袖絲絨恤衫好吸引呀!!! 超鐘意個裙有邊!!! 上班族最愛~   胸前小 ruffle 好可愛呢~

 

  

除淨色外仲返咗有 pattern 嘅背心款背交叉連身褲~ 腰帶同扭扣都係用同塊布包~ 成本上貴啲架~ 但我睇中 catalogue 玲奈, Keiko 有領嗰條背心款連身裙多啲~ 

 

 

 

半截就有結以示範嘅 set up~ 上身衫未返呢! 代購咗粉紅色, 但海軍藍都好靚呀!!!  半截裙褲偏短呢~ 雖然半截冇咩特別, 但襯返同款上身衫好靚架~

 

 

 

detail:

同上星期返咗嘅同款大袖上身衫係 set up~ 我個人覺得半截好襯, 上身衫特別~ 各自各襯其他衫啲靚呢~ 

 

 

detail:

高腰半截裙腰位字樣 "Je suis amoureur de toi" 意思指 I am in Love with you~ 明白字樣後紅色超燒!!! 

 

 

detail:

全橡根頭有腰帶高腰褲, 紋理好經典歐陸風~ 呢條啡色唔錯架~ 

 

 

 

detail:

成熟包臀吊帶裙, 我唔會平時著... 下身線條好嘅會著得好睇呢~ 

 

 

衫就係咁多~ 飾物永遠係萬眾期待~ 原因係每月最小只返一轉飾物, 數量永遠小... 所以會買多飾物嘅我大多數唔會喺香港買, 雖然我冇能力買哂香港 stock, 我當然唔會白痴到做 HK Liz Lisa 飾物 fans 嘅公敵, 但先到者先買永遠係公平啊~  代購係會比較貴, 好希望自己唔好再有選擇困難啦~ 

絲絨女皇頭 lace 髮夾返咗喇!!! 雖然髮夾好多時都會全色入, 但今年嘅啡冇以往咁靚~ 反而紅色依然係最受歡迎~ 一有紅色, 粉紅都會變次選呢~ 

花花飾物都係 Liz Lisa 嘅熱賣飾物之一~ 但價錢的確比較貴... 但我都係代購咗粉紅 set~ 今日見到尖 So 嗰條小咗粒花!!!!!! 買咗尖 So 嗰條而又有睇我 blog 嘅請留意喇~ 類似白色呢 set 我喺 Just in One 見到呢~ 有98% 似架~ 遲啲 post 對比圖啦~

同款手鏈都好靚~ 唔知花花飾物有冇燒親呢~ 

今次花花飾物最靚係耳環!!! 巴黎鐵塔同蝴蝶結好靚呢~ 

珍珠蝴蝶結閃石都係 heat item!!! 今晚香港四間分店都已品切!!! 但係 Just in One 仲有條 99% 似嘅款!!! 價錢都平過 Liz Lisa 呢~ 

絲絨帶 choker x 兔毛球唔係我杯茶~ 但尖 So 未見有啡色呢~ 可能我到步前已品切!?

另外經典金鏈系列返咗閃石珍珠蝴蝶~ 雙鏈好小買... 因為難打理呢~

同款耳環有個心形架~ 

有頸鏈耳環點可以冇戒指呀~ 一套兩隻嘅蝴蝶 x 心形~ 唔知你啱唔啱呢~ 

同款仲有髮夾!!! 夾左邊, 所以唔買 lu~ 

心形圈 x 蝴蝶結 x 兔毛球耳環其實幾靚~ 希望下次去仲有啦~ 只有白色呢~ 

最後仲有多用途鏈~ 扣長 boot, 袋同手都 ok 架~

之後就係袋款~ 細袋只係睇中嘅個嘅紅色~ 官圖好靚, 但實物我覺得冇咁靚~ 可惜今晚仲考慮緊... 點算呀~  

 尖 So 有兩個粉紅大袋~ 但今晚尖 So 兩個粉紅大袋都已經品切喇!!! 太快了吧...

蝴蝶結閃布細袋好得意~ 但同上圖比真係比下去 lu~

同款大袋比細袋實用~ 但顏色就唔太驚喜喇~ 以往都有太多類似款呢~

袋款最搶眼係花 pattern 嘅手袋~ size just right!!! 仲有外袋放電話~ 型狀又靚~ 粉紅同花花 pattern 糾結!!! 

官網冇粉紅~ 可能係店限呢~

最後係尖 So 公仔示範~

同官網新 item 圖:

期待代購嘅 item 到手