期待已久嘅 Liz Lisa 15th Anniversary 愛麗斯柄連身裙終於返喇!!! 原本諗住呢條返咗再同書本柄連身裙二擇一~ 每次睇書本柄連身裙官網圖都好想要, 但又每次行過睇實物都覺得公仔顏色麻麻~ 今次呢條 Liz Lisa 15th Anniversary 愛麗斯柄連身裙 cutting 唔算特別~ 但圖案好細緻呀!!! 白色官網已品切唔係冇原因~ 因為圖案最出~ 粉紅同紫色近睇顏色好似~ 但上身紫色好清, 粉紅小有地試完即心動~ 重點係上身後顯胸同修腰!!! 呢件超滿意~ 數量好似比 Melody 小呢~
Detail:
Liz Lisa 15th Anniversary 愛麗斯柄半截 size 較連身裙細~ 今年超愛連身裙~ 所以半截唔考慮 lu~ 腰後蝴蝶結好得意~ 同兩塊唔同嘅布摺成~ 好過一如以往嘅一色蝴蝶結~ 裙邊有淨色邊, 愛麗斯柄就更明顯~ 唔知呢件啱唔啱你呢~
\
連身裙仲有條官網同日本 blog 都未見過呢款式~ 係 Web Limit 呢~ 呢條假兩件經典上身 x 格仔網紗半截好鬆身~ 富彈性~ Casual 款超百搭~ 有紅同藍綠色~ 藍綠色較校園風呢~
另一係假兩件連身裙係水手領 x 網布款式~ 同以上校園風嗰條都係鬆身~ 呢條都係官網同日本 blog 都未見過呢款式~ 衫身位有心形格仔 x "jolly" 字樣~ 有啲 Tra*a*a 嘅感覺~ 有白同灰二色~ 灰色心形就唔係紅色喇~
連身裙仲有女僕 cutting 再返炒~ 橫簡蔴質厚質地有啲硬身~ 重點係背後嘅交叉綁帶~ Cutting 前幅似上年灰姑娘柄連身裙呢~
Details:
橫簡蔴質厚質地岀同款半截~ 顏色上灰粉會較 soft~ 腰間 Y 形 cutting 似今年夏季美人魚柄半截~ 呢條著起冇咁誘~ 襯淨色系上身都好 casual 架~
Set Up 嘅有碎花柄裙衣加高腰半截~ 裙衣 cutting 上身有啲怪... 好似分開三截咁~ 腰間兩行交叉綁帶有修腰效果~ 領位波浪邊上層係雪紡下層係網紗~ 圖案紫色會冇咁重口呢~ 高腰半截裙褲扭扣係絲絨扭扣~ 我個人鐘意半截~ Size 較細所以 pass~
Details:
雙毛毛球上冷織長袖圓領上身衫起百搭~ 雙毛毛球可拆下~ 買唔到雙兔毛球髮飾可以考慮入手呢件改裝~ 胸前 ruffle 邊點綴咗呢件簡單嘅冷織衫~ 白色最百搭呢~ 粉紅係雙毛毛球!!! 呢件都唔錯架~
Details:
假兩件上身衫都好靚~ 袖口位都有心形扭扣~ 衫身為冷織~ 腰位係修腰設計呢~ 領位有 "heartful" 繡字同繡嘅心~ 紅同粉紅都好 sharp~ 襯長紗裙唔錯呢~
Details:
上身衫件有百搭冷織小透視款~ 冷織嘅織紋款款唔同~ 冬季主力粉灰色系~ 呢件灰藍色襯白色半截可似著出冬季嘅 Smoky Magic 呢~ 仲有白同粉紅二色~ 唔知啱唔啱你呢~
另一件淨色圓 ruffle 領長袖有蝴蝶結配鏈超好襯~ 但超修腰~ 絕對係內塔系列必備久一~ 質地好舒服呢~
薄啲質地嘅淨色襯衫都有返~ 小透視 ruffle 領長袖襯高腰半截最啱~ 有白, 深藍同紅色呢~ 襯牛仔褲就係 casual look 啦~
蝴蝶結平口打底好心動!!! 繼 2011 年後好小岀平口打底~ 今年終於有啱款喇~ 雖然好簡單~ 但顏色同外面或其他品牌都唔同~ 著返同一牌子顏色會否更 match 呢~
Detail:
外套就有 Liz Lisa x Yui Collaboration Vol. 2 嘅長袖粗織毛毛冷外套~ 四粒扭扣都唔同~ 非常透... 呢件真心麻麻呢...
Liz Lisa x Yui Collaboration Vol. 2 除咗長袖粗織毛毛冷外套外仲返咗襪~ 襪上有結似簽名呢~ 襪頭有繡嘅玫瑰花圖案~ 好有心思呢~
Details:
鞋就返咗三款~ 第一款係毛毛球厚底鞋~ 厚底鞋真係好舒服呀!!! 同秋季音符嗰對類同~ 唔同在邊位有毛毛~ 厚底上繡字~ 同音符嗰對唔同呢~ 呢對 model 示範過唔小呢~
另外船踭貴婦毛毛鞋靚到唔捨得著~ 著咗怕 dirty 呢~ 玲奈喺 Special Tabloid 封面都係示範呢對~ 得意係幾得意嘅~ 但就多毛毛球嗰對可愛呢~ 加上有啲似家居鞋~ 呢對 pass~
Details:
毛毛鞋款仲有厚底綁蝴螻結款~ Casual style 必備~ 以前嗰對有 lace, 呢對後面有個平面蝴蝶結~ 有啲 girly 成份~ 呢對作用同波鞋一樣~ 襯乜都無同題架~
Details:
最 Liz Lisa 風嘅就係呢對中筒綁帶高踭鞋!!! 結以有示範呢~ 通花波浪邊款雖然唔係新設計~ 但我鐘意以前嗰啲 style 多啲~ 淺啡色有興趣~ 深啡都唔錯呢~
Details:
銅鑼灣做緊 $1,200 九折!!! 唯一一間新貨有 discount 呢!!! 秋季前指定款式已減至六折呢!!! 因為 Liz Lisa 15th Anniversary 愛麗斯柄連身裙超鐘意!!! 貨量小又怕買唔到, 最終今個星期入手Liz Lisa 15th Anniversary 愛麗斯柄連身裙!!! 之前 Liz Lisa x My Melody 連身裙日本同官網火速品切!!! 雖然之前買咗粉紅色~ 但心中想著白色~ 最後買埋白色了咗件心事!!! 冬季可以著返上年更靚嘅藍色系列~ 荷包要嚴重休息喇~
Details:
Details:
期間 special promotion!!! 買滿拉定金額送飾品乙件~ 咁啱有一套頸鏈耳環 set!!! 呢 set 我收下喇!!!
今日同 R 先生行銅 So 仲請食 baby Mon Cher!!! 本想食 Hello Kitty~ 但因未袋過 My Melody, 所以要忍痛咬下呢~
下星期六 Liz Lisa x Hana Tam event @ 新世紀 (旺角分店)~ 上次 cancel 咗... 今次 confirm 咗喇~ 雖然有好多唔同嘅聲音... 但我得閒的話都會去睇睇~ 期待公佈係咩 gift 呢~
Up-coming item:
Tokyo Life Online shop new pictures:
Others:
沒有留言:
張貼留言