2012 Hello Kitty in Oz 之 Level 3 配件~

今日又出咗去九龍灣國際展覽中心嘅 Hello Kitty in Oz exhibition!!! 上次只得 Level 1, 唔甘心!!! 玩多次!!! 但唔會好似上年咁去五次咁多 lu~ 希望可以換到 Level 3 配件~ 今次所有 Level 3 都好靚~ 換到邊隻 (套) 都冇所謂~ 

今次去係平日~ 最低消費都要 $95!!! 救命... 排我前面有位家長帶住小朋友玩完出黎設訴話太貴唔值... 唉... 呢位香港太太唔好 complain 太多啦~ 玩完先 complain 太貴唔值... 錢又係自己比, 冇人攞槍指住你 bor~ 因為鐘意得 Hello Kitty 就預咗比佢 kill 架喇~ 唔好要求咁高, 帶得小朋友黎玩, 咪當比佢玩得開心同陪吓佢 lor~ 唉......

入場飛同上次 (第一日) 係唔同色架~

今次揀咗黃色~ 線條比藍同粉紅出啲~



一入到去就同其他角色結盟~ 因為自己一個去要揾其他兩個角色實在有啲難度~ 今次我又係稻草人呢~ 五分鐘之內好順利同其他角色結盟, 無驚無險又玩完所有遊戲~ 今日限時 45 分鐘之內完成所有遊戲可以有一個限定信封~ 我當然喺 45 分鐘之內完成啦~ 個信封好似仲有其他顏色... 但我未見過呢~

封面

3

背後 + 一個圖案貼~ 膠質, 硬身~

比你貼上去架~ 但我當然唔會啦~

至於 Level, 分數同經驗值都係玩完, 離開咗最後遊戲 -- 決戰翡翠城, 先喺外面個郵筒 check~ 哇!!! 真係 Level 3!!! 仲可以換到一隻 (套) 配件添!!! 哈哈!!! 我心願已達成咗喇!!! 換配件前喺 check 分 counter 印嘅 postcard~ 哇!!! 四張入面呢張最靚!!! 手繪圖都幾有 feel~

好緊張好緊張!!! 當我開始個隨機抽配件系統個陣時問好似停咗, 得個電腦屏幕係度跳~ 感覺好奇妙... 到醒覺時電腦屏幕色經停留咗係 C4~ C4!!!??? 金裝巫師吉蒂!!!!!! 好多玩家都想要 C3 權杖同 C2 彩雲~ 放心~ 一定有炸家放!!! 但一定超貴!!!

換上金裝巫師服嘅 Hello Kitty 裝置!!! 同上次一樣!!! 黎個 360 度全方位拍攝!!! (http://blog.yahoo.com/may387/articles/625139/index)

 

 

入場派嘅指南~ 上次係紫色今次係黃色~

入場飛~ 上次係藍色今次係杏色~

仲有 postcard!!! 都係今次同上次嘅~

出發前仲去呿 M*Do**ld 要咗隻獅子仔!!! 諗住換埋小紅帽!!! 但又覺得本 Fairy Tale Collection 精裝版圖畫書好靚同貓頭鷹奧茲為食咕好有收藏價值~ 所以上網買返~ 因唔鐘意酸小鴨, 青蛙王子同特別版貓頭鷹公仔~ 買一套散放又唔會, 所以散買返公仔兩隻, 為食咔 4+1 同一本 Fairy Tale Collection 精裝版圖畫書, 計埋係平過買一套, 但一套點都抵啲嘅~

有帽~

冇帽~ 

一卡兩面~

 

Fairy Tale Collection 精裝版圖畫書

期待下年嘅 Hello Kitty 展覽!!!