Liz Lisa 冬季第七回!!! 今次啲衫好靚呀!!! 仲有 accessories 呢~

又係返貨曰~   今次啲衫好靚呀!!! 雖然衫款唔係話特別多~ 但已經足夠令你心大心細 lu~ 首先係 OP!!! 小透視長袖全 lace 淨色連身裙官網一出就 SOLD OUT lu~ A 形 cutting~ 有白, 粉紅同藍色~ 唔知呢條香港會唔會好快品切呢~ 

 

 

 

我睇中返而係另一條 OP~ 簡單宮廷設計~ 經典上半部加繡花裙腳直係 ok 架~ 可惜質地有啲拮肉... 今次小有地睇中藍色~  

 

 

 

花花 pattern OP 一定唔小得!!! 白同粉紅色都唔錯~ 杏色就成熟小小~ 唔知試上身係點呢~ 不過呢件我都係 pass lu~

因為睇中小透祖長袖 lace 長上身衫!!!!!!  三色都靚!!! 又係睇中藍!!! 粉紅都好靚呀!!! 希望位日本朋友可以幫到我買啦~ 可能日本做 sales~ 會平啲~

 

 

藍色係銅鑼灣獨家!!! 香港只有兩件!!! 已 SOLD OUT 呢~

 

經典設計嘅上身衫~ Basic 款~ 但藍色紗有啲怪... 唔係太 match 到...

最後冬季格仔點都走唔甩!!! 但方領好 "蝦" 人著呢~ 有粉紅同啡~ 粉紅比較靚啲~

百搭上身衫正係我想揾嘅~ 淨色超好襯!!! 我就一定 target 白色!!! 粉紅同杏色各有各靚之處~ 唉! 又要頭疼喇~

又再加推一件軟棉棉質地前短後長上身衫~ 今次同上次唔同在衫腳位有 lace~ 蝴蝶結去咗背面~ 有啲心動想入一件呢個軟棉棉質地嘅上身添~ 

Liz Lisa 冬季第六回!!! 返咗好靚嘅新貨同星期五 (07/12/2012) 有聖誕熊 promotion!!! 加放假買嘅飾物!!!

Liz Lisa 冬季第五回!!! 返咗好多靚衫同有保暖 accessories!!!!!! 加 Etude House 新品~

detail 位係 lace!!! 令一件平平無其嘅上身衫變得不平凡!!!



至於淨色外套就唔使多揾又係 basic 款~ 有帽~ 但唔使買 Liz Lisa 都得~ 

半截仲有萬眾期待嘅碎花高腰蝴蝶結半截裙!!! 籃色最靚又夠特別!!! 白同粉紅色都唔輸!!! 又要糾結喇~ 

最後一件係一條高腰蝴蝶結全 lace 淨色半截裙~ 白色百搭, 粉紅最靚~ 雖然條但有罕有嘅黃色!!! 想點襯都得呢~ 

Accessories 就有兩款袋~ 第一款係毛毛面, 有小小 party 袋 feel 嘅 2-way 袋~ 睇日本 blog 已經鐘意, 但實物顏色就令我放棄 lu...

另一款袋有鑰匙吊飾~ 又有 ruffle~ 大袋應該係熱賣 item~

我就覺得同款細袋可愛啲~ 我揀就一定揀杏色!!! 夠好襯呢~ 



黎多張今照!!! That's a wrap!!! 

今季 Liz Lisa 2012 Winter Collection Fantastic Snow Girl 依然係玲瑞!!! 而家好想要返佢件白色 lace 大褸呢~

今日仲順便便攞埋上星期買嘅兩對聖誕樹耳環!!!







Details:

 

兩對都好靚呀!!! 

希望未返嘅鞋同 boot 會返啦~ 太多人想長 boot 返呢~

Special:

今個星期又去咗 Ju** in O*e 買咗首飾~ 鑰匙長頭鍊~ 著長身壺領衫好好睇架~