Liz Lisa 秋季第五回!!! 今次冇衫但全部都係 accessories 呀!!!!!!!!!!

今日放假~ 所以同朋友食埋飯先去睇新貨~ 哇!!!!!!!!!!!!!!!!!!!!!!!!! 全部都係 accessories 呀!!!!!! 睇中嘅有好多呢~  但真係想要先買啦~ 有頭飾, 首飾, 袋同銀包~ 睇咗頭飾先啦~ 頭飾小啲~ 但有格仔蝴蝶結髮夾, 女皇頭髮夾同 lace 髮圈!!! 袋同銀包就有待出圖再 upload lu~

格仔夾綠同紅都靚~ 但係我怕中間金色會甩色... 一甩色同普通髮夾冇分別... 所以冇買 lu~

女皇頭髮夾同上年個款差唔多~ 但上年嗰款係絲帶今年用布~ 仲有心形吊飾~ 上年冇返過, 今年呢個一定燒!!!

最後髮圈有蝴蝶結, lace 同珍珠~ Liz Lisa 嘅所有精華!!! 但比以往貴咗好多... 所以唔買 lu~

到腰帶~ 有兩款~ 有金邊蝴蝶結~ 紅色都想要架~ 但又係怕中間金色會甩色... 所以唔考慮 lu~

吊一款係釘珠蝴蝶結腰帶~ 粉紅色好靚但我覺得好難襯... 所以又放棄...

首飾都好吸引呀!!! 睇圖好燒!!! 雖然上季出過同款頸鏈同介指~ 但好想要耳環!!! 今日終於見到喇!!! 不過點解咁大架... 用返上次嗰個 size 咪好 lor... 而家有啲似 a*s... 所以唔值...

又係太大隻, 個環都算係大呢~

今季喺英倫復古風~ 點小得珍珠呢~ 今次 accessories 有好幾款珍珠 item~ 一定有一樣啱你嘅!!! 珍珠耳環有心形閃石吊飾~但我比較鐘意底下葉 pattern 嘅配件~ 

仲有對半珠耳環~ 但唔大啱我...

今次女皇頭都有 cross over 珍珠~ 上年女皇頭出咗頸鏈, 手鍊, 介指同髮夾~ 但香港只係返得手鍊同介指... 今次出頸鏈, 介指, 耳環同髮夾~ 不過女皇頭 size 就有兩個喇~ 耳環同髮夾就係細女皇頭~ 而頸鏈同介指就係大女皇頭~ 耳環視唔太 like 呢~

大女皇頭嘅介指上年都有出, 買咗白色!!! 但呢隻都燒燒地~ 唔知遲吓仲有冇呢~

至於大女皇頭頸鏈就係期待已久, 今季必買嘅 item 之一!!! 睇圖九成燒, 實物更燒!!!!!! 一心諗住揀啡, 但粉紅都好燒~ 不過最後都係揀咗啡色!!!!!! 易襯衫~ 


Details:

  

 

 

 

今日新貨仲有呢條主打珍珠頸鏈!!! 見圖燒燒地, 又係一見實物燒死咗  鐘意珍珠嘅我點可以錯過呀~ 海軍藍係復古嘅色調~ 唔鐘意都可以換其他顏色~ 酒紅色都得架!!! 呢條原本諗住自己串~ 但因工作關係小咗手作... 時間又唔多, 加上揾唔到咁靚嘅珠, 所以就決定買咗佢喇!!! 得粉紅係併粉珠~ 其他都係白珠~

Details:

  

Special:

因為今日休假, 所以今日係 shopping 日!!! 仲剪咗頭髮添!!! 而家呢個長度好 fresh~ 以前都未試過呢  剪完頭髮就喺九龍塘又*城 UN* Q** 買咗條紅色半截裙!!! 得一條新!!! 但好靚~ 

襯返 Lo**y F**m 嘅釘珠雪紡上身衫!!!



加埋女皇頭頸鏈~

同主打珍珠頸鏈!!!

雖然今日已經返咗好多, 但依然期待未返嘅 accessories!!!