Liz Lisa 春季第二回!!! 今日返咗好多新品呀!!!!!!

今日出咗去尖So, 比我見到呢件(神級)大褸!!! 官網超快 sold out 呢~ 但只見蕉糖色同白色~ 粉紅就冇見到... 呢件遍細件呢~ 但始終鐘意粉紅色... 所以冇買~ 我相信呢件會好快品切呢~

門口放咗新返嘅打底呢~ (未有圖...)

行入去就見到碎花連身裙!!! 碎花系列仲有上身衫同裙褲添~

碎花連身裙

碎花上身衫

碎花裙褲

除咗碎花系列外仲有格仔系列呢~

格仔連身裙

格仔裙褲

仲有條連身裙~ 就係呢條淨白色冷裙~ 但只見有白色呢~

呢款上身衫 / 外套喺日本一出就大賣 (eg 聖誕 set 1)!!! 同我上星期買嘅係一樣款呢~ 但今次呢件係有小小通孔... 個人唔太鐘意... 但呢件有出新春特別色 (湖水藍) 同黃色~ 不過呢兩隻色應該都會被瞎目追求呢... 呢款遲啲會陸續有黎, 可以唔使急~

除咗以上嗰件上身衫外, 仲有菱形格仔上身衫添~ 雖然之前出過一次~ 但反應應該好熱烈~ 所以出第二彈!!! 今次嘅顏色比較清~ 所以有啲心思思想要呢件嘅蕉糖添~ 不過已經買咗紅... 再要件蕉糖好似過份咗小小呢 =P

最後就係呢件冷衫喇~ 因太似聖誕 set 2... 所以冇諗 lu~

驚喜地見到未見過嘅袋款同鞋款... 但係未有圖呢... 希望呢個袋唔好咁快賣咁啦~

好似唔多覺有粉紅色呢~

Special:

雖然今季興湖水藍, 不過始終鐘意啡~ 但今次唔知會唔會買粉紅大袋呢~