MayMay ♡ Liz Lisa: Liz Lisa 秋季第十一回!!! 返咗好多好多超靚嘅 OP!!!!!! 超心動呀!!! 畫家帽都有返呀!!!

哇!!! 今日返咗好多新貨呀!!! 連身裙好靚好靚呀!!! 燒到火紅火綠添~ (tongue)

不過都係睇定啲好~ 等出糧一次過買感覺開心好多~ 睇咗外套先啦~ 豹紋毛毛閃石外套同 lace 蝙蝠裙大樓都係 Lena 著黎行 show 架~ 豹紋毛毛閃石外套就唔太燒我 lu~

Lena lace 大褸睇相超唔靚, 但著上去十級 grand~ 想要粉紅但要成 $1,8**!!! 太貴喇!!! 加上兩件正價八折已經完咗... 所以更加要考慮清楚呢~ 真係想要呀!!!

另外嘅外套都唔失色姐~ 呢件較棉棉嘅泠織外套超舒服!!! 加上西裝領, 特別啲啦~ 睇黎今年冬天興淺色同灰色呢~

類似嘅外套都有~ 但係都係 basic 款~ 唔使考慮 lu~

連身裙係今日焦點!!! 終於返長袖喇!! !Lace bb 領小透視長袖 OP 問直想攞我命!!! 超燒~ 著上身 ok~ 不過袖有啲怪~ 諗緊粉紅同白~ 藍我麻麻...

針織馬革小透視長袖 OP, 同上年秋季 Keiko catalogue 校園鳳針織長袖 OP 差唔多~ 但呢條靚啲~ 不過紗質有啲劃呢~ 紅色紗真係唔鐘意 lu~

雖然有返長袖, 但短袖都有返呀~ 有期待已久嘅皮革 OP 同碎花 OP~ 皮革 OP 粉紅實物靚!!! 白色必啱~ 紅色好怪... 哈哈~ 鐘意紅色都唔揀佢, 就真係無話可說 lu~

碎花 OP 同夏季背心款太似喇~ 小咗背後綁帶加返短小透視袖... 太 hea lu~ 最靚係深藍色~ 夏季背心款嘅深藍色反而冇咁好睇呢~

仲有一條格仔 OP~ V 形波浪 cutting~ 有兩色~ 藍色冇啡色咁靚呢~ 入面襯長袖唔錯架!!! 但 size 偏細... 我唔啱著......

日本 sales 戴緊嘅 wall 釘蝴蝶結冷織貝雷帽今日都有返~ 有三色~ 數量每色返一!!!!!! 粉紅已經賣咗 lu~

唔好睇呢件咁似 OP 呀~ 其實係長上身衫黎架!!! 同夏季尾嘅小透視 OP 或上身衫差唔多~ 又係小咗背後綁帶加返長 lace 袖~ 夏季 OP 同上身衫都超 heat!!! 今季加推長袖~ 我已有粉紅 OP 同白色上身衫~ 雖然有三色 (白, 粉紅同紅), 今次只會睇白同粉紅以外嘅其他色~ 紅紗真係...... 唔知呢件燒唔燒到你呢~

長袖閃石假頌 lace 長上身衫都唔錯~ 紅色好靚, 粉紅都係!!! 我應該會買紅呢~ 等 thankful 中~ 到時冇再算啦~ 反正我又唔係冇衫著~ (tongue)

淨色上身衫一向百搭~ 今次返咗小透視 lace~ 有白, 粉紅同灰色~ 灰色好特別~ 但中袖就唔要 lu~

淨色上身衫都仲有短袖款~ 袖位有釘珠~ 超 buy 佢個質地!!! 又一考慮中 item~

上身衫仲有針織膊頭 lace 加閃石~ 呢件又係好靚!!! 但係又好似太似上年冬季嗰件... 唔... 再睇定啲先~

半截都有四款咁多呀! 有高腰短褲~ 深藍最靚但又係唔啱我著...

裙褲款都 ok~ 湖水藍色嗰條隻色 sales 話有的似初音隻色... 唔... 因為我唔睇所以唔太知... 只知百摺唔啱我姐~

高腰今季都好盛行~ 出埋碎花高腰長褲~ 又高又瘦至著得好睇~ 我又唔高又唔瘦... 一定著得唔好睇... 我硬要著只係不自量力嘅表現, 所以呢條試都冇試呢~

最後一條裙褲係 lace 上印碎花~ 一見到呢條就諗起我幾年前嘅一條睡褲... 只係白同粉紅似, 深藍 ok~ 不過都真係比以前啲短...

衫就告一段落, 到頭飾!!! 畫家帽終於到港喇!!! 香港嘅畫家帽只有尖沙咀 Sogo 冇!!! 其他三間分店都係三各一!!! 紅色我未到之前已經賣咗... 杏色又比人買咗~ 最後綠色因品質問題要退貨 (女皇頭胸針小咗兩粒珍珠... 有配件咪唔使退 lor~)... 所以今日銅鑼灣 Sogo 嘅畫家帽已品切 lu~ 好彩我有先見之明一早訂咗姐~ 雖然買咗綠色, 喺香港最唔受歡迎, 但我覺得一定要戴綠帽至戴得架咩~ 紅色一定最受歡迎, 其後係杏色~ 但杏色嘅金邊就冇咁出 lu~

Twinkle 除咗兩款帽外仲有兩款鞋~ 第一款係毛毛短 boot~ 有啡, 蕉糖同黑三色後面有心形 Liz Lisa 牌, 仲有絲帶蝴蝶結添~ 有小小高跟~ 唔錯唔錯~

552-0529-9

第二款都係毛毛, 但係中 boot~ 側面有蝴蝶結加心形扣, 船跟, 有黑啡兩色~ 兔毛嘅就一定會敗 lu~

552-0574-9

最新消息~ Catalogue 絲襪同過膝襪唔會黎香港!!!

Special:

唉~ 喺旺角返工真係有好有唔好~ 返工方便之餘又多嘢食, 又多嘢行~ 差唔多每日放工都會行去 Ju** in O*e~ 每次去都會放低啲 $~ (tongue)

今次主要係去貼返粒閃石, 但又係買咗啲頭飾呀!!!

呢個本身係條橡根~ 但我鐘意夾多啲~ 所以改咗做小牙夾~ 閃石仲可以擺動!!! 好靚架!!!

呢兩個幼箍超靚!!! 返工啱戴呀!!! 粉紅必殺!!! 深藍想襯深色返工衫~

原來我都有好多返工用嘅頭箍呢~ Liz Lisa lace 頭箍好似太 kawaii 呢~

之後行咗去 Man***gs 買咗一盒五片裝嘅我的**日記 mask~ 有五隻味~ 唔知好唔好用呢~

左起:
1. 珊瑚草水合彈力面膜 (大洋洲)
2. 芒果保濕潤澤面膜 (非洲)
3. 薏仁水潤白肌面膜 (亞洲)
4. 黑玫瑰淨白無瑕面膜 (歐洲)
5. 金盞花舒緩修護面膜 (美洲)

除咗 mask 我仲買咗我幼稚園同學代言嘅 Zino Eyelash Enhancing Serum~ 非常正!!! 成日秒殺嘅皇牌產品!!! 透明 gel 質地~ 有增長睫毛之效~ 親身體驗過~ 第一支已用完呢支係第二支~ 效果比美 Lor***l 同D*C~ 超推介產品!!! (winking)