號外!!! Liz Lisa 新例 + 今日 Liz Lisa 返咗好多 catalogue 嘅衫 + 我嘅小敗 (真的是小敗!!!)

號外!!!!!!

Liz Lisa 新例:
1. 貨 (箱) 返咗但唔可以有客人在場拆箱, 拆箱後 sales 優先購買 (佢玩咗 lu~)
2. 新貨 display 哂先可以比客買 (means 要等天光...)

(其實因紅畫家帽之事太多人投訴, 所以定下嘅 '明文規定', 最終得益嘅係班 sales 同上班族, 保障佢地買到鐘意嘅 item~ )

此消息無損我嘅購買慾~ 食完飯就去咗美麗華睇新貨~ 哇!!! 好多衫呀!!! 仲要多數係 hot item + catalogue 添!!! 但就係冇紅格斗縫... 今日一次過返咁多 catalogue item, 代表今年秋季嘅 item 已返得七七八八, 接近尾聲 lu~ 盛餘 catalogue 未返嘅 item 應該會係下星期壓軸登場!!!

--------------------------------------------------------------------------------------------------------

雖然第一站美麗華~ 但只係試衫冇買, 因唔知點解感覺不太好... 所以轉移陣地到尖 So~ 試完衫其實已經有心水 in mind, 加上尖沙咀兩間 Liz Lisa 嘅 walking distance 已足夠我決定買啲咩!!! 條路話長唔長, 話短唔短; 最緊要有充預時間比我做決定!!!

廢話小講!!! 睇吓今日返咗啲咩 item 好過啦~

*Item 1
一件過的 OP, 一眼望已知不用試了... (大窄...) 放棄...



*Item 2
試咗諗住買但最後因上身背肉厚... 怕易爛所以放棄...

*Item 3
試哂三色 (白, 紅, 啡) 諗住買但最後因主打2著起比較好睇... 加上主打2已放棄, 所以呢件都放棄...



*Item 4
高腰... 唔係我杯茶... 加上交叉吊 / 過肩帶... 又多一件放棄



*Item 5
'錯 code' 上身衫, 試咗好靚但天氣涼了, 入面難親衫; 衣衫單薄, 所以唔考慮...



*Item 6
一字膊... no! no! no! 我膊頭太橫了... ng... (膊頭細啲會著得好睇~)

*Item 7
好多人等嘅結以毛毛帽~ 但我唔鐘意非兔毛毛毛帽, 所以冇試...

Item 8
打底有領帶背心景然有紅色!?

冇衫親到... 呢件又 out!!!

Item 9
好似制服... 返工完全唔係問題!!! 餐廳士應... 銀行 teller... sales... 交易所工作人員都可以考慮架~ (唔係我講架~ 係阿某同某人嘅豐富想像力~ 失敬失敬......)

言歸正傳... 呢件質地真係麻麻, 想買入做制服真係要三思...... 尖 So 同美麗華都有紅色但銅 So 9pm (仲)有兩件!!! 一田唔知...

Item10

印花外套 (花應該是燙上去的~), 太多外套... 加上太普通... 呢件都 out...

Item 11
呢件絕!!!!!!對!!!!!!唔!!!!!!會!!!!!!


最後......

當然係我今日嘅收穫啦!!! 

*Item 12
日本好 heat 嘅背心形 OP!!! 尖 So 各色返一!!!!! (有白, 紅, 啡三色)

Details:

  

  

Of course 係紅色啦!!! 啡太沉, 白個花唔出~

*Item 13
相比起呢件冇咁 heat~ 不過都係唔輸!!! 上身衫反而揀咗白色~

Details:

  
  

白色真係上身衫最靚~ 呢件白底加玫瑰花比起紅同啡 Royal 好多~ (屬個人意見~)

仲有真他大褸同毛毛裙褲... 但冇圖加上唔係咁特別... 所以唔 post 喇~ 如果對以上 item(s) 有興趣的話可以親臨 Liz Lisa 分店架~ (好似賣告白咁...)

註: * 主打

樽領打底太大件... 影得我好大隻添 =P (應該啡色高爭鞋會好睇啲~)



呢套係 100% 滿意!!!!!! 超~ 鐘意!!!!

Special:

尖 So 最後一個紙袋已歸於我所有了~ 

不過...

國慶日星期六開始有第二期 gift 同紙袋喇!!! 但係就要成 $2,500 先送化妝掃... 如果下星期四返哂我等嘅 items (瑞希 catalogue 封面上下身衫褲加六角星裙 -- 希望返啦~) 應該夠掛... 到時先算啦~

紅畫家帽 lace + 自家制簡單 Liz Lisa 女優帽 (初版)

之前提過會做返頂紅畫家帽出黎, 絕對唔係講小!!! 紅畫家帽, 我同好多 fans 都係至在必得~ 無論點都一定要做一頂出黎!!! 不過最難嘅就係揾一樣款同顏色嘅 lace......

但係睇過好多 lace 都揾唔倒一樣......  終於比我喺深水埗揾到一間可以做到 lace 嘅批發舖!!! 但係就一定要比個 pattern 佢地攞去做... 但冇可能比頂帽佢拆... 只可以比小小 lace 佢地做, 仲要睇到重覆嘅 pattern... 難上加難... 紅畫家帽個 lace 係酒紅色... 但係啡畫家帽個 lace 係啡色... 咁就更難...

返到屋企, 心諗冇嘢係做唔倒嘅!!!!!! 之後就自己拆咗頂啡色個 lace 出黎!!! 你冇睇錯我都冇講錯!!! 我的的確確係拆咗啡色畫家帽個 lace 出黎!!!!!! 不過膠水太多, lace 又超級易爛, 所以用咗成個鐘先拆到, 仲要超小心咁拆!!! 拆完之後發覺一邊長一邊短!!! 哈哈天助我也~ 因本身已經邊長邊短, 長嗰邊仲凸咗一個重覆嘅 pattern!!! 正!!!!!!

今日終於出咗去間批發舖做個 lace!!! 首先 scan 咗個 lace (剪出的一段), 寫埋尺吋比速遞公司攞個版返大陸做~ 完成品就會係白色~ 因大陸啲染料唔太可信... 所以個 lace 要返香港先染~ 加上國慶將近, 所以要遲一個星期先可以出到個 lace~ 雖然個 lace 係貴咗啲, 但可以 copy 到一頂紅畫家帽出黎我已經好滿足~

做完睇吓咩樣先至算......

橫掂去開深水埗就買埋布絲帶做女優帽!!! 今期 Popteen (日版) 久美子戴嗰頂就係日版 / draft 版嘅女優帽!!!

今日仲買咗 Dip Drop 嗰頂啡色女優帽添~  家有三個女人, 一人一頂 =P (今回真的破產了...)



材料:
1. * 酒紅色女優帽
2. * 駝色女優帽
3. 1-1/2吋 酒紅色布絲帶 (2 碼)
4. 1-1/2吋 駝色布絲帶 (2 碼)
5. 1/2 吋 酒紅色布絲帶 (1 碼)
6. 1/2 吋 駝色布絲帶 (1 碼)

* 係喺 H&M 買的, 啡色唔使整~

工具:
1. 剪刀
2. "界"刀
3. 熱熔槍 (用時小心!!! 黏住帽邊)
4. 打火機 (用時小心!!! 燒絲帶邊, 免得走線)
5. 扣針 (2 個: 1 個固定, 1 個蝴蝶結部份)
6. 針
7. 線 (適量)

首先做駝色嗰頂:

Step 1: 用"界"刀拆咗原先個邊, 用熱熔槍黏住適合長度嘅 1/2 吋 駝色布絲帶

Step 2: 用1個扣針 (扣針) 固定 (用的: 成形)

(白紙為畫家帽蝴蝶結設計圖)

Step 3: 用剪刀剪好絲帶 1-1/2吋 駝色布絲帶

Step 4: 用打火機 (用時小心!!!) 燒絲帶邊, 免得走線; 將邊摺入用針線縫好 (下圖為 ^ double bow, 女優帽蝴蝶結同畫家帽蝴蝶結一樣大小)

^ Tips: 摺好蝴蝶結之後可用針線固定形狀, 下一個 step 會比較容易

Step 5: 將適量 1/2 吋 駝色布絲帶包住蝴蝶結正中間位置, 加入扣針, 用熱熔槍 (用時小心!!!) 將中間絲帶定位黏好

Step 6: 將蝴蝶結"張開"

Step 7: 將扣針 1 拆開, 再將做好嘅蝴蝶結扣上~

完成!!!!!!

可惜我唔會做過批駝色 lace~ 我唔係咁癲!!! 不過......

(又係借圖)

係唔係好係呢~ 幾條車邊要聽日先開"車"~

黎多個背後高"炒"先~

酒紅色同紅畫家帽等個 lace 邊到手先再整啦~