Liz Lisa 之 "特別版" 髮夾面世!!!

尋日雖然已經去完 Liz Lisa 今日又去咗銅 So~ 諗住去睇吓心形閃石夾仲有冇紅色~ 咁 heat 嘅 item 當然已品切啦!!! 但尋日見倒紅色熊仔電話繩~ 紅色熊好似中毒咁... 但因我好鐘意個蝴蝶結!!! 諗住可以做個髮夾應該會幾靚呢~

行理去仲見倒齊色~ 杏色最靚~ 白色好易 dirty... 自己好鐘意杏色~ 所以揀咗杏色同紅色~ 返到屋企做 "手腳", 發現呢兩 set 熊仔電話繩可以變做六樣 (嚴格啲講係八樣) item 添!!! 一陣睇吓點拆法啦~

Details:

  

  

拆之前點可以小咗張拆前照呢~

除咗熊仔電話繩之外仲揀咗好耐之前出嘅粉紅色絲絨蝴蝶結髮圈~ 揀佢嘅原因係因為而家出嘅髮圈已經貴咗好多喇!!! 尋日買嘅髮圈質地冇以前啲咁好要收貴 $2*!!! 呢個仲有新呢~

Details:

  

之前買咗白同啡色~ 黎張合照先~

好!!! 馬上解開 "特別版" 髮夾之製造過程!!!

自備工具:
1. 熱熔槍
2. 針
3. 紅色線
4. 白色線
5. 淨髮夾
6. 鉗
7. 剪刀
下圖: 拆!!!

製成品 1, 2 熊仔鑰匙扣 (好容易吧~)

製成品 3, 4 (最奪目嘅 "特別版" 髮夾) x2

拆咗個熊仔後就忍唔住要整個髮夾喇!!! 首先係啲珍珠嘅擺位~ 之後最尾個粒或最大嗰粒拆咗出黎, 再扣咗喺中間~ 其餘嘅就用針線縫上去兩個重疊嘅蝴蝶結中間~

反轉後面就要 "起" 咗中間嗰個絲絨帶, 證實 Liz Lisa accessories 嘅品質有保證, 因為好難拆... 太大力又怕爛; 太細力又拆咗開... 幾經辛苦拆開後用熱熔槍黏住個蝴蝶結, 再將中間個絲絨帶 "包" 返個夾用熱熔槍黏實~ 用針線縫嘅兩邊~ 靚靚嘅髮夾完成!!!

Details:

杏色都係一樣咁整~ 再黏埋個 Liz Lisa 牌上去, 身價高幾倍!!! 暫時只放上去影相, 考慮到板權問題, 可能真係唔會放上去... 如果個牌真係放上去, 上面個細孔可以揾一粒細石黏住; 紅用返紅石, 杏用幻彩都冇問題; 到時仲靚~

製成品 5, 6 [(兩組電話繩合併成一條) x2]

呢個要用鉗分出適當長度, 加上需要考慮每件小配件嘅分佈, 長度更加難控制, 我仲考慮埋每組可以拆開分開用, 所以製作需時... 就係咁, 電話繩最後做呢~



所有製成品一覽~ 我覺得以手頭上有嘅配件, 做得倒呢幾件製成品已經算唔錯~

03/12/2011 08:30 完成!!! (好眼瞓...)

髮夾示範 1

髮夾示範 2



今次得意制作只係額外加咗淨髮夾呢~ 此設計一般, 請見諒~

尋日同今日嘅收獲好豐富呢~

Special:

今日睇 Liz Lisa 官網同樂天都相繼減價!!! 當然有好多筍嘢啦!!! 但我發現我之前訂咗嘅 item 都 on sale...... 不過我訂咗嘅 item 入面只係得某樣 item 仲有~ 心入面好過啲~ 今次只係睇中咗兩個髮圈~ 同友人夾單代購 share 返個運費~ 友人仲一手包辨張 order!!! 真係唔該晒你呀~

唉... 訂咗嘅 item 仲未到呢~ 不過等待之因渴求, 唯有繼續等啦~