MayMay ♡ Liz Lisa: 今日 Liz Lisa 返咗好多頭飾!!! 又一大敗!!! + 夢展望代購 order 咗嘅 item 到手!!!

今朝早好遲起身~ 但都仲好眼瞓... 不過今日係星期四... means Liz Lisa 返貨日!!! 點可以錯過呢~ 所以幾眼瞓都要出去銅 So 睇吓~

一去到... 哇!!!!!!!!!!!! 頭飾!!! 仲好多款添!!! 心諗今次真係慘喇... 心形閃石頭夾竟然返咗!!! 紅色同焦糖色就唔會買喇, 因為代購買咗, 留返比其他 fans 啦... 但代購要比運費, 唔抵得, 所以買理白同粉紅除返開個運費, 感覺上冇咁傷~ 睇實物粉紅同白色都靚架!!!

Details:

紅色同焦糖有代代購到貨再分享吧~

除咗呢個心形閃石頭夾之外仲有髮圈, 鱷魚夾, 女皇頭戒指同手鍊, 熊仔電話繩, 熊仔頸鏈耳環同戒指, 仲有袋添!!! 係咪好多呢~ 但女皇頭頭夾就未見有了...

(在此不能盡說, 有興趣的話請到各分店了解~)

首先係髮圈~ 呢款髮圈比起之前粗帶 lace 嗰款清好多!!! 又易襯!!! 加上我比較鐘意用髮圈, 所以呢款我係唔會錯過!!! 白色髮圈係代購夾運費時買了, 諗住融咁耐都仲未有, 以為香港唔返~ 點知真係返咗... (雖然又係運費問題 or 係咪我自己心急呢!?) 睇倒實物之後焦糖色係最得我歡心~ 加上冬季 collection 係 Caramel Holiday~ 粉紅又好靚!!! 所以買埋~

Details:

到今日我嘅主打!!! 女皇頭系列~ 成個系列應該有頸鍊, 手鍊, 戎指同頭夾~ 但今日只見手鍊同戎指, 未見有頸鍊同頭夾呢~ 手鍊唔係唔鐘意, 但個女皇頭太細... 所以放棄; 戒指有三色~ 白, 粉紅同杏色~ 杏色好 grand, 但啲閃石唔出; 粉紅比較 girly; 白色啲閃石最出, 加上好易襯衫~ 所以揀咗白色!!!

(官網同樂天都未有圖呢~)

之後撞倒你!!! 仲夾數換咗個十二週年首飾盒添~ 係銅 So last one, 盒面有十二週年字樣架~ 多得你幫我至有咋 =] Thanks~

裏面係咁架~ 雖然放得唔多嘢, 但我可以用佢放小量首飾去旅行呢~

換完首飾盒, 臨走時仲考慮緊呢個香蕉夾~ 因為佢同我之前買咗嗰條結以高腰燈籠褲係同一系列, 諗住襯埋一套~ 但又已經換咗首飾盒, 所以放棄 (待續...)

因為返屋企係唔係都經地鐵站, 所以順便去一去尖 So就再出發去尖 So~ 再次比我見倒個香蕉夾!!! 當初唔識用嘅我發現原來夾得哂我所有頭髮!!! (頭髮本身比較厚) 最後都歒不過魔鬼嘅引誘... 決定買! 但諗緊邊隻色~ 紅色又好 sharp, 但想襯返條啡色高腰燈籠褲... 諗咗好耐買唔買紅色~ 最終都忍唔住買埋!!! 成為我咁大個女第一同第二個香蕉夾~

Details:

今日全日喺 Liz Lisa 購入嘅戰利品~ 超開心呀!!!!!! 喺尖 So 仲撞倒另一位 Liz Lisa fans 添~

行完 Liz Lisa 收倒代購電話, 我成個月前代購夢展望嘅 item 到咗喇!!! 我見時間仲早, 所以去埋代購度攞貨!!! 因為兩對鞋比較大 "件" , 仲有兩條格仔裙, 加上又喺 Liz Lisa 買冇咗嘢!!! 一個人攞住真係幾辛苦...... 下次都係唔好 order 啲咁大 "件" 嘅 item 喇... 不過一次過攞哂咁多嘢返屋企好開心架!!!

呢對 boot 雖然 plain 咗啲~ 但我就係鐘意佢夠 plain!!! 因為衫比較 "花" , 再著對 "花" 嘅鞋就更花~ 加上我啲衫 plain 款好小, 我又鐘意佢個大蝴蝶結~ 所以呢對都算係 ideal 呢~ 仲腳跟位都好高... 前面冇 platform... 所以一定要加前腳掌鞋墊呢~ 最 like 佢個筒位係有厚墊, 冬天可以保暖~ 呢幾日都凍咗, 正好拎出黎著!!! 如果暖返就冇得著喇~